धाराशिव
शेतकऱ्यांच्या न्याय हक्कसाठी सतत रस्त्यावर उतरून विविध आंदोलन करणारे, बंद पडलेला निम्न तेरणा प्रकल्प साठी सतत आंदोलन करून २३ गावातील शेतकऱ्यांना विश्वासात घेऊन सरकारला निधी उपलब्ध करून घेणारे,राज्य व केंद्र सरकारच्या चुकीच्या धोरणावर सतत सोशल मीडियावर आपले रोखठोक मत व्यक्त करणारे शेतकरी पुत्र शिवसेना नेते जगदिश पाटील यांची आज(दि.९) गुरुवारी शिवसेना (उध्दव बाळासाहेब ठाकरे ) गटाच्या जिल्हा प्रवक्ते पदी(ग्रामीण) निवड करण्यात आली. यावेळी शहरी भागाच्या जिल्हा प्रवक्ते पदी तानाजी जाधवर यांची ही निवड करण्यात आली.
यावेळी शिवसेना जिल्हा प्रमुख तथा आमदार कैलास पाटील यांनी दोघांचाही नियुक्ती पत्र देऊन सत्कार केला, सत्कार प्रसंगी खासदार ओमप्रकाश राजेनिंबाळकर, मकरंद राजेनिंबाळकर, नेताजी पाटील , बाळासाहेब पाटील , शिवसेना कक्ष जिल्हा प्रमुख मोईन पठाण,गोविंद गरड , अश्विन पाटील , मारुती दूधभाते , अमित चव्हाण यांच्या असंख शिवसैनिक उपस्थित होते. जगदीश पाटील यांच्या निवडीमुळे लोहारा व धाराशिव तालुक्यातील अनेक जिल्हा परिषद गटामधील अनेक गावातील शिवसैनिकांना हत्तीचे बळ मिळाल्याचे बोले जात आहे.जगदीश पाटील यांनी यापूर्वी हे सामाजिक, शैक्षणिक, साहित्यिक क्षेत्रात नावलौकिक मिळवले आहे.
जगदीश पाटील यांची जिल्हा प्रवक्ते पदी निवड झाल्याबद्दल त्यांच्या मूळ गावी करजखेडा ता.धाराशिव या ठिकाणी समस्त ग्रामस्थ तर्फे भव्य असा सत्कार करण्यात आला.
